每年六四燭光集會，參與人士都會高舉燭光，同時遺下大量蠟。支聯會近年已開始將啲蠟燭循環再用，藝術家黃國才（Kacey）就諗到用呢批用過嘅蠟，做出更有意義嘅藝術品，就係用蠟整成名為「黃雀的羽毛」嘅羽毛雕塑，除咗送畀已在海外、爭取民主嘅民運人士，亦會放喺六四紀念館售賣，替紀念館籌款。

八方問過Kacey，佢話「黃雀的羽毛」做法簡單，先喺維園六四燭光集會回收已用過嘅蠟燭，加熱煲融，然後將融咗嘅蠟，倒落個羽毛型嘅模具之中，倒出一個羽毛雕塑，全程只需5分鐘。

用曾經喺燭光集會高舉過嘅燭光，製成黃雀羽毛，Kacey話好有意思，「每一支蠟燭都係香港市民揸咗幾個鐘，你可以想像到情感、意義係好強大，富有悼念、懷念好複雜嘅情感。」

Kacey話，百多個已做起咗嘅羽毛雕塑，已經放咗喺六四紀念館，讓公眾購買，可以幫到紀念館籌款，另一部份雕塑放咗喺上海街嘅「碧波押」藝術館，讓公眾自由定價去購買，再有一部份雕塑會寄畀身在外國、好熱心咁悼念六四嘅民運組織：「我相信佢哋如果收到，用香港人喺悼念集會時用過嘅蠟燭而做成嘅雕塑，佢哋都會幾感動。」

佢預計會做1,000條，遲吓會喺六四紀念館舉行工作坊，畀大家一齊參與呢個雕塑製作，讓市民透過藝術去充權，參與政治改革嘅活動。

【民陣6.9反惡法遊行】
日期：6月9日（日）
集合地點：銅鑼灣東角道
時間：下午2時30分集合，3時正起步
遊行路線：銅鑼灣東角道遊行至金鐘添美道立法會

---------------------------
毋忘六四 繼續傳承
【六四30】WhatsApp Sticker
http://bit.ly/6430whatstickers
--------------------------------
【六四30】守住歷史 拒絕遺忘
https://hk.adai.ly/zdzKtt2RiW