【兩韓峯會】一張圖惹爭議 68歲趙容弼同金正恩握手太恭敬?
趙容弼金正恩
前日係南北韓第3次領袖高峰會舉行嘅日子,南韓總統文在寅以及北韓領導人金正恩兩韓領袖進行高峯會議,由於係事隔11年南北韓領袖再會面,所以受到國際關注。
而為慶祝呢件盛事,前晚仲舉行咗個南北韓峰會晚宴,曾率南韓藝術團到北韓表演嘅南韓殿堂級歌王趙容弼就被拍得同南北韓兩位領袖握手,當中趙容弼跟文在寅、金正恩等人躹躬打招呼,趙容弼就被拍得對住金正恩時非常恭敬咁行禮,而此舉即惹來網民爭議。
南韓網民認為68歲嘅趙容弼身為南韓樂壇前輩、向細佢33年嘅金正恩行咁多禮,有「侮辱」成份,認為趙容弼鞠躬鞠到90度係禮太多。不過亦有網民認為只係部份網民太敏感。
由於金正恩嘅實際年齡成謎,維基雖然顯示佢於1984年出世,但亦有指佢嘅出生年份為1982及1983,而韓媒就指趙容弼大金正恩33年。
更多韓流,喺晒《娛果》
http://fb.com/appledailyent