周永恒被目睹被澳洲警察登機截查，同行仲疑似有強國女友及另一位男伴，以WeChat回覆時又無厘頭，作為怪異。但佢身邊嘅女伴冇俾佢嚇怕，仲頻頻換畫。

周永恒10年與趙頌茹奉子成婚，婚後誕下兩位女兒。但結婚4年負面新聞不絕，阿Yu曾報警遭周永恒打傷，其後又被揭發偷食公司拍檔劉依靜（Ruby），最終離婚收場。

Ruby同周永恒嘅戀情被揭發，唔係維持咗好耐，兩人喺15年10月分手，但餘波未了，Ruby話唔想再見到周永恒，借過俾對方嘅錢都冇打算要番。之後周永恒攬住周芷儀影咗幾張相放上facebook，疑似拍拖，但女方好快就否認，只係因為曲赤先一齊拍咗個MV。

最誇張都係之後一位，16年周永恒戀上34D靚模黃芊詠（Cherie），Cherie 喺玩直播app「17」期間，驚見半裸周永恒，之後佢哋解釋唔係床照，只喺屋企慣咗唔着衫，先有咁嘅誤會。話咁快， Cherie同周永恒分手，轉頭就搭上強國女Britni，兩人身高相差甚遠，而Britni有個習慣，就係愛玩「美圖秀秀」，仲俾Cherie笑過添。