莫雷拉剛周三（2月27日）夜馬停賽復出，結果全晚「夫卜」上陣，只係得三個第二，成績當然唔算好，佢騎埋明日（2日）同周日（3日）澳港盃賽事，又要停賽兩個賽日，正常嚟講明日一定會追落後，今次一於搵佢做扶手棍。

第四場四班1400米草地，蘇偉賢（外號表情王）馬房「天生一對」今次初配莫雷拉，騎練上季至今合作65次，當中36次跑入前四，入圍達55%，搵佢做複膽穩陣。

配腳方面，「真跑得」兩勝俱是同程，反觀其他路程只限上名，重返首本路程拖埋。「發財寶」同程三戰取得一季兩殿，查巫顯東與何良踏入2019年，入前四提升至47%，當然要揀。

「火百合」初配潘頓，騎者季內同程入前四高達61%，屬一眾騎師中最高，梗要拖埋，再揀排2檔（同程入前四最多檔位）的「七寶」，以一膽四腳下注。

第十場三班1400米草地，莫雷拉與苗禮德今季初次合作，查對上兩季合作入前四達68%，路程專家「飛星凱旋」當然必揀，再加埋上陣四次全入Q、騎練季內合作入前四56%的「繽紛遊戲」作另一複膽。

配腳揀四隻，上文講過2檔馬同程入前四最高，本身於此程入前四達五成的「最新鮮」排得此檔，拖埋。

高廐「真妙星」今次突然重配史卓豐，查騎練今季田草合作七次，取得一冠三亞一殿逾半入前四成績，要提防。

再加入初跑同程即近的「志在四方」，及騎練季內合作上名53%的「心多多」，以兩膽四腳下注。

-----------------------------------------
3月7日《動腦Q馬拉松》
一日玩11場 全日派22萬
12:30pm-10:30pm
Let's QQQQQQQQQQQ the money！
http://bit.ly/2ICO2Mb