財爺陳茂波決定向預算案派糖措施未觸及嘅階層補漏派錢，係咪有此必要，見仁見智，但特區政府其實過往為扶貧都諗咗好多計，好似幾年前就撥咗5億成立社創基金，希望民間有新橋，以創意、創新來扶貧。

小組今日喺扶貧委員會高峰會公佈成績表，睇落都唔錯。基金2013年成立，後來訂立3年目標，一共資助133個項目，預計受惠人數達10萬人，基金撥款超過1.2億元支持各項工作，其中111個項目屬於創新計劃。

負責社創基金嘅教育大學校長張仁良仲話，3年目標之下，促成超過700個意念誕生。當然大家最關心嘅梗係社創基金去年提倡嘅社會房屋項目，張仁良話目標係3年內提供500個單位，預計有1,000個住戶受惠。

諗完社會房屋，張教授仲話可以考慮包括股權投資、貸款擔保及社會創效債券等為創新項目，以提供資金，但一切都係構思階段，距離成事，仲有距離。

《蘋果》沙士15周年系列網站，正式登場：
https://hk.feature.appledaily.com/sars15/