【棟析先機】四班過客 用莫雅決心再贏（陳華棟）
蘋果日報 2019/12/03 22:45
莫雅水箭龜陳華棟棟析先機
水箭龜（前）剛戰在潘頓胯下打開勝利之門
上次講過一啲關於臨場落飛嘅現象，隔幾日到禮拜日（1日）又有同樣情況，兩匹同類馬「達心星」同「安賦」均來自方廐，後駒過完關先賭重位置，埋門連獨贏都賭埋，今次成績仲厲害，兩匹馬都贏晒，相關人士就贏到開巷！
方仔啲馬一向都係越重飛越有信心，相信嚟緊一段時間，呢條攤路都仲值得跟進，馬迷都會有所裨益。
第六場四班1650米，「水箭龜」係典型易騎嘅澳洲馬，好快適應水土表現亦穩定，最近更踏正軌取一贏兩位佳績，大熟大勇馬匹肯定係四班過客，繼續喺四班出賽必定啱數。
谷草對呢匹跑法機動嘅馬十分有利，配莫雅擺明要用當今世上最好嘅騎師再下一城，戰意鼎盛。