浸會大學新聞系高級講師呂秉權亦關注黃浩背景，指黃與黎的立場及政治光譜不同，黎應預計《壹週刊》會變調，「佢（黎智英）應該知道對方（黃浩）嘅背景，除咗睇錢份上，你仲要睇壹仔發展嘅前景同性質會否改變，佢覺得接受到壹仔未來嘅變調，定係接受到嗰筆錢足以彌補到壹仔嘅變調佢都唔理」。他形容今次賣盤是宣佈《壹週刊》死刑，令人灰心。
呂坦言，全球傳媒業前景走下坡，香港傳媒業無論在技術上轉型、經濟上的廣告收入，以至政治上言論空間都不斷收窄，指今次賣盤反映內地當權者藉向各行各業施壓抽廣告，全面封殺敵對傳媒的手段成功，預期越來越多紅色資金收購本港傳媒，「如果連較敢言嘅傳媒都變調，變為愛國化，傳媒前景更差」。
針對黃浩不排除要求《壹週刊》財經記者或兼顧銷售工作，呂批評此舉會削弱報刊的公信力，「記者同銷售應該有防火牆分隔，唔應該借新聞去做市場銷售，否則會有角色衝突，打擊公信力，唔會有讀者願意畀錢買份廣告雜誌，咁做只會殺雞取卵」。
■記者謝明明