個案一:
七十三歲的黃伯,邊開啟電視機邊向記者表示:「部電視機好新淨,畫面好清、好靚,自己唔識字,平時唔會睇報紙,𠵱家屋企有部電視機,開心好多,可以隨時睇電視節目同埋新聞,唔使坐喺屋企咁悶。」
「可以睇電視新聞」
獨居的黃伯,沒有結婚,曾從事理髮師傅,退休後靠領取綜援金維持生計。早前,黃伯獲房屋署分配公屋單位。
黃伯應付一筆搬遷費後,已沒有餘錢裝修新居,月前方獲聖雅各福群會的義工師傅,免費替其單位進行基本裝修。
另黃伯亦透過「電器贈長者」計劃,獲贈全新電熱水壺及九成新電視機。
「總之好多謝大家」
「我冇諗過自己搬屋,會有咁多人幫忙同埋關懷,覺得好意外,而且又幫我慳番唔少錢,總之好多謝各位善長!」黃伯一面感激地說。
個案二:
七十三歲的蕭婆婆,丈夫早逝,她曾從事清潔工作,晚年靠微薄積蓄維生。她家中一直欠缺電視機及雪櫃,長者中心的社工遂轉介其個案予「電器贈長者」計劃跟進。
蕭婆婆向記者細訴:「天氣咁熱,屋企冇部雪櫃留起啲餸菜,啲食物好容易變壞,但我又冇多餘錢買部雪櫃,咪試吓搵社工幫手,發夢都估唔到咁快就有人送部新雪櫃嚟。」