伊能靜自從09年同庾澄慶分開後，喺電影界全力投入製作，舊年擔任過影片《搖滾英雄》製片人，今年又會首次執導電影，不過原來唔只事業，連感情生活都有第二春。

其實伊能靜曾多次傳出有新歡，對上嗰個係內地男星潘粵明，但伊能靜每次都否認。不過早前又有網民爆料，指44歲嘅伊能靜，同33歲內地男星秦昊因為合作《搖》片而撻著，秦昊主演由婁燁執導嘅新片《推拿》入圍今年柏林電影節，所以該名網民仲話佢哋會喺2月柏林影展期間正式公開戀情0添！

面對呢啲傳聞，秦昊經理人就話：「如果有戀情要曝光，我們會第一時間向各位媒體討祝福。」至於伊能靜未有承認亦未有否認，只謂:「《我是女王》作者說：『太聰明的女人就是比較吃虧，男人不喜歡比他聰明、獨立不需要他的女人。男人的格局真的很小，就喜歡養小寵物和弱勢團體！』我們總是提醒彼此不要太強勢，讓男人退步。我們提醒彼此要小寵物些，卻無法避免的因為心智越來越成熟，而自然的朝強大的女漢子奔去。」未知這是否伊能靜對呢段姊弟戀嘅感歎？