下月初就係復活節，唔想外遊，一家大細留港消費都有唔少選擇，好多酒店推出住宿優惠搶本地家庭客。
小妹早幾日打畀荃灣帝景酒店公關經理Coby八吓復活節有乜筍盤，佢話酒店下月2日至5日推出家庭樂住宿優惠，價錢$998，包豪華客房一晚，又回贈$300酒店餐飲現金券，同價值$1,288元嘅家庭攝影禮券，同行12歲或以下小童免費加床，並免費提供多種親子活動。Coby教路，兩大一細家庭攞$300嚟食自助早餐啱啱好，而選擇自助午餐只係夠一大一細。訂房熱線：37162890。

另外，沙田凱悅酒店傳訊經理Edith同小妹報料。佢哋推咗個「奇悅」住宿套餐，價錢$1,500起，包雙人入住山景客房一晚，雙人自助早餐同自助下午茶，仲可免費使用酒店單車兩個鐘等。同行嘅12歲或以下嘅細路可免費加床，同行6歲或以下嘅小朋友，仲可以免費享用自助早餐同自助下午茶。訂房熱線：37237888。
Edith又推介近排勁hit嘅親子護理療程，媽咪們不妨趁復活節帶埋囡囡嚟水療中心做facial、按摩、美甲，價錢由$170至$450不等，「媽咪帶理小朋友一齊嚟做，唔使煩點樣安置佢哋。」
想走遠啲，富豪機場酒店嘅「尋蛋作樂大行動」住宿優惠套餐選擇，包早晚兩餐一人起$588，呢個月25日前確認訂房免收加一。訂房熱線：22868688。
電郵：mailto:[email protected]