根據基因優生學，混血兒繼承了人種優良的基因，一般都比較漂亮和聰明。

日前《蘋果》就影到外籍女模 Lisa S.同陳嘉容行街，其實Lisa同型男吳彥祖10年結婚，三年後誕下囡囡Raven，轉眼已經4歲喇！囡囡仲愈大愈似媽媽Lisa，「鬼」氣十足，仲要好鬼可愛㖭！而圈中亦有唔少出名嘅混血第二代。

周汶錡
12年同法籍男友Julien Lepeu結婚，三年後生咗大仔Jacques，今年再添一子，Kathy不時喺社交網上載哥哥Jacques嘅可愛相同短片，試過一條片有成20萬人畀「Like」，真係網紅BB嘅代表。日前就有《蘋果》讀者見到Kathy同老公帶咗Jacques去淺水灣玩沙( 新聞連結： http://bit.ly/2sN8WML )

梁詠琪
GiGi11年同西班牙籍老公Sergio結婚，13年誕下長腿公主Sofia，似足混血版Gigi咁可愛！

Dino@Soler
組合Soler嘅細孖Dino同老婆黃麗施結婚7年，育有兩子，大仔Damiano已經4歲，細仔Orlando就快兩歲，兩個小朋友都好可愛，日前就俾《蘋果》獨家影到佢哋一家四口去咗數碼港玩( 新聞連結： http://bit.ly/2sN8WML )

Cara G.
來自澳洲嘅性感混血女模Cara G.，13年拍拖多年的模特兒男友Jesper Mcilroy結束愛情長跑，14年誕下大女India，翌年再幫老公生多個囡囡Freija。