盧巧音（Candy）今日去到觀塘為香港開電視音樂節目《一曲走天涯》錄影。Candy在節目中分享不少工作往事，她笑言：「導演唔想知我嘅感情事，只要我講吓工作。」Candy表示，回想以前工作，經常有機會見到黎明，她解釋：「因為大家同一間公司，而且自己算係佢fans，而家少咗好多平台，少機會見到。」

對於巿道淡靜，Candy指對其影響不多，沒有工作的日子，會專心寫歌做音樂，至於同是歌手的老公亦影響不大，她說：「希望疫情快啲穩定，計劃下年有自己嘅演出，而家係少咗個平台，出唔到去，惟有留喺香港做香港嘅嘢，嚟緊會做啲live嘅騷，唔出得街就做直播音樂演出。」Candy表示，今個星期五會與樂隊Kolor先做一場live網上音樂會，她說：「做大概一個鐘，自己會唱三首歌，會幫Kolor唱埋和音，因為而家疫情影響下唔會請觀眾，我哋玩band，會將band房放所有嘢消毒，亦都會除鞋同洗手，自己唱歌唔會戴口罩，不過我喺網上見過有band戴口罩唱歌，其實都幾辛苦，自己都試過戴口罩跑步，但唞唔到氣。」

採訪：張明、攝影：林賓尼

-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》