隔牆有耳:「我哋公民黨」葉劉嚇親人 - 李八方

蘋果日報 2011/07/26 00:00


新民黨主席葉劉淑儀自從做咗立法會議員之後,雖然冇咗以前做局長嗰種霸氣,但佢喺議會入面一樣係好嚴肅,不過原來身為媽咪嘅葉劉,對住小朋友一樣有佢溫柔嘅一面。
好似噚日佢專程到書展同小朋友分享迪士尼故事《美女與野獸》(Beautyandthebeast),佢就話故事夠晒正面,教小朋友要保持善良同關愛其他人,而加拿大巨星CelineDion主唱嘅動畫版主題曲,就更加係佢嘅至愛咁話!葉劉重大晒同愛女去泰國布吉島,享受陽光與海灘,唔知玩得幾開心!
不過唔知佢係咪玩到忘晒形,連自己係咩黨都記錯,噚日佢講替補機制嘅時候,竟然話「我哋公民黨」點樣反對,嚇到現場記者以為佢轉咗黨,好彩即刻有人提醒佢講錯咗,葉劉就自嘲話自己一定係放假放得太耐!