民主派即將為九龍西同新界東補選進行初選，被DQ嘅前議員姚松炎自從宣布參加九西初選以嚟，獲大部分民主派政黨支持，公民黨噚日亦宣布基於支持被DQ議員盡快返回議會嘅原則，支持姚披甲戰九西。

整裝待發嘅姚松炎，今日就同公民黨油尖旺區議員余德寶齊齊落區，爭取市民支持。余德寶同八方講，姚松炎向街坊派發重返議會單張，只係短短一個鐘，已經有唔少市民主動同姚教授講加油，又話一定會投票支持，以由功能組別轉戰直選嘅新人嚟講，成績相當唔錯，佢仲話姚教授未來會同公民黨社區主任孖住落區，似乎該黨會全程喺九西同姚教授行孖必喎。