34歲台灣藝人王心凌私密照曝光，矛頭直指其舊愛姚元浩，姚元浩直認係佢影，但非佢流出，王心凌方面發聲明擬對姚元浩提告（新聞連結： http://bit.ly/2u0Q0cY ），今日到姚元浩喺Instagram留言，請王心凌一定要提告，否則公權力無法介入，亦無法還各人清白（新聞連結： http://bit.ly/2wq6I7K ）。

結果姚元浩今日喺一星期已委任嘅律師陪同下，前往台灣警政署刑事警察局第9大隊遞交刑事告訴狀，對散布者提告《刑法》第318條「妨害秘密罪」。

台灣傳媒引述姚元浩嘅律師話，前年9月就有人告知姚元浩同王心凌喺Ig上見到有個account散布王心凌嘅閨房照，王心凌於是質問姚元浩，姚元浩話自己冇外流啲相，仲話影完之後有send番畀王心凌，而且喺前年9月前就已經刪掉。姚元浩的確有同王心凌嗁兩位經理人、助理合共5人喺王心凌屋企開會，姚元浩同王心凌仲互相檢查大家嘅手機，confirm都已刪除，因為當時佢哋拍緊拖，所以未積極處理，靜待此事被遺忘。

姚元浩嘅律師又提到，姚元浩因為自己係藝人身份，所以手機壞咗都唔會送去修理，仲指出事用嘅係iPhone5，喺送畀助理用之前，資料都已經全都刪除。

姚元浩今主動出擊，但台灣刑事局都有話佢知好似facebook同Ig呢啲外國公司，要查出帳號嘅真實姓名有難度，仲話：「如果對方不提供，這線索就斷了」，但律師亦指今次嘅舉動，主要係為咗證姚元浩嘅清白。
姚元浩嘅律師都話，呢一類嘅調查通常一、兩個月就會有結來，如果捉到散布者，會處以兩年以下有期徒刑，拘投或5,000元新台幣以下嘅罰款。亦唔排除係駭客所為，但姚元浩嘅律師表示，以姚元浩嘅案例只是「有可能但不是一定」。

針對姚元浩嘅反撲，王心凌嘅助理以3點回擊，指稱當時只有佢同王心凌及姚元浩在場，根本冇所謂嘅另一個經紀人與助理，亦未搵到發送私密照嘅IP位置。助理又話姚元浩冇交代到點解手機冇送去修理，亦冇傳畀其他人，但就喺網絡流傳，仲寸番姚元浩話：「乾脆說是我偷你手機PO出去的好了」，又話姚元浩：「記憶力有問題」。