巴黎聖日耳門（PSG）上星期六喺法甲主場以3:1擊敗里爾，喺補時階段里爾門將邁治蘭喺球隊獲得角球後殺上PSG禁區，而「新亨利」基利安麥巴比就喺里爾進攻未能得手之後拎到個波，跟住擺脫三個里爾後衛喪跑半場射入空門，佢為PSG嘅最後一球令人留低深刻印象。根據法國足球專家Robin Bairner喺Twitter所講，佢錄得麥巴比喺呢個攻勢中跑動嘅最高速度去到時速44.7公里，平均時速達到36公里，只係稍為慢過今年世界田徑錦標賽之後退咗休嘅牙買加飛人保特喺打破100米世界紀錄嗰陣嘅時速37.5公里少少咋，認真犀利！

----------
球迷一定要知！英超一哥曼城，已經登陸『BFB』！登入即送藍月球星： http://bit.ly/2AAiPDS