【為人安全】鄧小巧音樂會只開一場 怕見到現場有吉位
蘋果日報 2019/09/19 17:04
鄧小巧
（攝影：葉君海）
鄧小巧今日在上環為12月舉行的音樂會宣傳，音樂會以治癒為主題，其間邀得頌缽導師即席為大家洗滌心靈。
音樂會早前預售火速售罄，小巧即爆朋友「惡行」，她說：「預售前我同啲朋友講晒，要買飛就搵邊個邊個，得五、六個朋友覆我，到預售晒先話要買，品格好差囉。講笑，其實佢哋買飛支持我，我都好開心。」
她指音樂會暫時只開一場，因為自己是個很安全的人：「做歌手都會恐懼，如果到時有吉位點算？一場我就覺得安全，就算一場我都會瞓唔着。」小巧透露屆時有頌缽及印度祭神音樂貫穿，記者笑問她會否擔心樂迷太放鬆而入睡？她說：「我都有啲歌好邪氣，我覺得邪同正要並存，大家先比較到。」
至於到時會否性感演出？小巧笑言不獻醜：「冇乜人露股罅，不過到時冇，可能會違反商品說明條例。今次喺舞台上嘅編排，自己參與嘅意見好多，所以呢個係好我嘅音樂會。」她表示已邀請某人擔任嘉賓，但要先賣關子。
問到小巧是否因近日社會氣氛，而決定以治愈為主題？她說：「其實我一直以來嘅歌都係講healing，無論生活又好、社會又好，大家最近都有好多唔好嘅感受，我希望大家可以擺低一啲嘢，呢個係我喺音樂上可以做嘅嘢。」
採訪：盧妹
攝影：葉君海
攝影：葉君海
她指音樂會暫時只開一場，因為自己是個很安全的人。
鄧小巧邀得頌缽導師即席為大家洗滌心靈。
鄧小巧表示已邀請某人擔任嘉賓，但要先賣關子。