周二晨課，安排出跳之周日有賽程馬仍踴躍。
「甜哥兒」跳兩段，戴頭罩及鼻箍，慢開走中檔，直路自動加速，步幅開揚有勁，馬身唔瘦，保持最佳水準。「大地和平」跳兩段，中檔均速大步完成，馬身喼得靚，維持近期作戰狀態。
「怡德」羅理雅跳兩段，戴頭罩走中檔，全程緊韁扣實，體形較單薄，但唔瘦，情緒穩實，跨步整齊有力，担高頭神態軒昂，論狀態仍好。
「帝國勇將」跳一段，緊韁下急步搶走，心火湧現，粗身馬股肉紮實，毛色均勻，最近試谷閘，起步順利跟前，末段保持勁勢，有前有後表現甚佳。
「辣得醒」副練跳兩段，慢開入直路加速，緊韁下起火搶走，出腳挺勁，收身毛色靚，論早課表現依然唔曳，上陣演出則普通。「新妙星」跳兩段，走中檔，入直路稍加快，出腳開揚幾肯走，但勁勢唔夠，維持近仗水準矣。

詳盡內容可留意明日<<蘋果日報>>及蘋果馬網 http://hk.racing.nextmedia.com