好曬呀！今日落雨濕濕，點解會話曬？唔好當八方傻咗，係講緊民協馮檢基呀。基哥早兩日放咗條微電影上facebook，條片係改篇自佢追老婆18年嘅經過，你無睇錯，係追咗18年呀！原來基哥當年足足追咗基嫂18年，由大學時代追到出嚟做嘢，條片話基嫂原本係鍾意基哥嘅死黨，但基哥無死心，等咗基嫂18年，期間表白過好多次都被拒絕，最後基哥一句「無可能，唔等於我會放棄」，基嫂被感動，終於開花結果。

全條片用基嫂第一身嘅角度嚟演釋，基哥真人只係片尾出現過短短一幕。呢條《感謝您追了我18年》，感謝埋唔少網民，出咗短短4日，就已經有超過28萬人睇過，仲有超過七千人like同畀心心，仲有六千幾個share。唔少網民都話好洋蒽，有人就講笑話基哥做咗18年兵，亦有人問基哥點解會肯等咁耐，佢就話「等可以成就結果，也可以是無花果！但肯等，能等，對這個人來說，可以感到對她/他和對自己的一份愛和祈盼……」好冧呀！