【晨操有嘢睇】阿澤學人獵食 先向人氣倉主請教
何澤堯呂健威獵狐者上海大師人氣倉主
今季華籍倉口表現令人眼前一亮,除新人王羅富全首季開倉即打響名堂之外,沈集成亦長時間位居前列,目前練馬師榜三甲本地馬房佔其二,有別於過往經常由外籍倉口壟斷局面。
現時排名二、三位的羅富全、沈集成表現固之然出色,但尚有一位今季成績突飛猛進的華籍倉主不能不提,就係呂健威嘞!
新近威哥又憑「真好彩」錄得進賬,雖然贏馬成為落飛黨狙擊目標,但馬房已連勝兩期日賽,目前已有35Win在手,尚餘兩個月才煞科,比上季全季只贏得24Win已足足多出11場頭馬,成績認真令人鼓舞。
威哥趁勢頭好,相信季尾餘下時間仍會繼續爭取佳績,雖然今期呂廐只出馬三匹,但都屬谷中路程專家,均貝爭雄之力,切莫睇低機會。
其中,「獵狐者」季初在莫雷拉胯下勝出谷草1200後,周三(16日)晚久休復出,轉交季內與廐主合作愉快的何澤堯掛帥,今早(14日)騎者再替此駒跳一課之後,就搵埋威哥密斟,齊齊商討今次戰略。
上周夜馬(16日)騎練夾檔「上海大師」未竟全功,今期隨時靠「獵狐者」補數。