潮食 Privite Dining Club……寶棧(甲-) - 蘇施黃
null
私房菜係我最唔喜歡,當年私房菜大行其道,係一班識煮吓餸嘅人,用自己住嘅地方又好,租地方也好,就去秘撈煮自己嘅撚手菜賺錢。我成日話我請你食飯,你會讚我,因為算好食,但係我要收錢,咁又另外一回事。試想煲個湯三百幾蚊料,食吓海鮮,大魚大肉加埋生果,閒閒哋 10個人本錢都要三幾千。咁要收人錢唔要六、七千?六、七千只不過食啲人人都識蒸嘅海鮮如家常便飯,大家都係聰明人,私房菜冇可能做得起!
Privite Dining Club又唔同。係一個私人開 party地方,大家可以由 happy hour"hea"到凌晨,而家年輕人,有好多搵到吓錢,但係又冇自己屋企,就算有自己屋企都唔想做餐懵,所以 privite dinning club興起係有道理。
仲有 beer pong
一個好玩嘅鬥酒遊戲:比賽者一人企一面好似打乒乓咁,每次兩個乒乓球試投入對方的杯內。如果兩個波都入了第一個杯,對方就要飲晒面前的十杯酒。如果,兩個波都同樣入另外 9個杯,對方就要飲 4杯。如果兩個波入兩個唔同嘅杯,對方就要飲 3杯。如果只有一個波入是但一個杯,對方就飲一杯。 It's fun!
薄荷蛋香焗蟹缽。首先蟹係要 cut短晒啲腳,只用身唔用箝,因為身易熟,箝需時!箝熟蛋太老!
這是一個瓦煲,唔係一個缽,缽係好 cheap好薄的瓦缽,蒸蟹缽要用薄缽,因為蛋好易老,如果仲用咁厚嘅煲,蟹熟蛋亦一定太老。
當然番禺蟹缽係用膏、肉蟹,唔會用花蟹,咁佢 twist少少,但我都寧可用 basil唔用薄荷葉。
總括:食物平均有 70多分,絕對冇一味係唔及格,當然亦冇一味係特別出色。如果 16人 party,平均$500起,而自己有個私竇玩,連食飯唱 K、片酒,非常抵!
我都會繼續去開吓 party仔!一個好竇!食物再進步些就一流了,如果大家係蒲友,加少少錢仲可以有消夜, Good吖!
最低消費
星期一至三:$8,000
星期四、日:$10,000
星期五、六:$16,000
蘇施黃
資深電台人,天生異「口」,除了講嘢叻,食嘢同樣嘴刁,近年開咪、上電視做主持都不離教人食得精,吸引大批粉絲跟佢搵食。