關楚耀、陳柏宇及代表慧妍雅集王愛倫、梁小冰、唐麗球等，今早喺東莞參加慈善高爾夫球賽，原來關楚耀細細個已經同譚詠麟打高球，依家已有二十年經驗，近日知道苟芸慧學緊高球，都有叫對方一齊參與活動，可惜苟姑娘不在港。

王愛倫為慧妍雅集信託委員會副主席，楊寶玲日前傳出十一月喺美國再婚，王愛倫表示：「佢係我哋前會長，好努力為個會籌款，要代表慧妍雅集恭喜佢，我哋私下少聯絡，但個會仍然有，上次見佢已經幾年前。」提及到今次係楊寶玲第三次再婚，對象是初戀男友，王愛倫話：「犀利呀，港姐典範，大家都戥佢開心，難得又羨慕，慧妍會送份禮物畀佢。」

梁水冰幾個月前關閉微博，佢話知道粉絲們好支持佢，但被廿四小時關注下想有啲喘息空間，認為有粉絲太熱情，個人私隱被侵犯，但發生咩事就欲言又止，講到咁嚴重係咪發生咗類似性騷擾事情呢？小冰話：「如果有會即刻stop，總之唔想人廿四小時關注我啦，正常地支持我已足夠。」