【本報訊】貌美女牙醫在港鐵站乘搭電梯時，疑被尾隨的已婚電訊盈科IT男偷拍裙底，被女途人目擊揭發事件。IT男昨被控一項有違公德罪受審。女牙醫知情後質問IT男謂：「你究竟有冇影到？如果真係有，你承認，我可考慮下唔報警。」IT男遂承認曾拍攝，但強調並非影裙底，但事件最終報警處理。被告自辯指當時覺得「事主幾靚」，故「忽發奇想」尾隨她登上扶手電梯，並拿出手機偷錄。

31歲事主X供稱，去年9月6日她在港鐵油塘站下車，乘搭扶手電梯時被一名女途人拍肩。女途人當時捉住被告陳江文（37歲）的手臂，並通知X被告偷影其裙底。X見狀遂質問被告有否拍攝，被告承認有拍攝但並非影裙底。X指「被告開頭話冇影過我；再質問佢，被告承認有影我，但唔係影裙底。」辯方質疑，當初X承諾不會報警，最終卻反口。X則強調，她因覺得被告有影裙底，所以才報警，即使手機內沒有不雅相片，但未經她同意怕攝，她覺得被冒犯。

稱尾隨靚女「想望多眼」

姓顏女途人作供指，案發當天她看見被告跟着X，並持續注視X下半身，看見被告手拿手機伸進X裙底，遂上前捉着被告的左手並通知X。X見狀向被告稱：「如果你刪走啲相我就唔報警。」被告表示已刪除相片，惟X堅持向港鐵職員講述事件，其後職員報警。被告當時質問X：「你唔係話唔報警咩？我電話冇晒啲相㗎啦﹗」

月入七萬的被告昨自辯，供稱當天下車時看見X，「覺得佢幾靚，所以有留意佢𤌚。他本來要到對面月台轉車，但「想望多兩眼」，於是跟着X上電梯，並開啟電話錄影功能，但他從未彎下身偷影X裙底。被告於警誡下強調「我冇影佢裙底，只係影佢全身」。
案件編號：KTCC134/19
■記者陸羽平、廖希呈