世茂房地產（813）副主席許世壇稱，國內融資情況確實有所收緊，尤其中小型企業放款顯得謹慎，一來去槓桿，二來政策鼓勵科技創新型企業，而地產資金佔用特別多，國家覺得有風險，故金融機構傾向貸款予大型地產商，令小型房企融資難。

中小型內房難以融資，他覺得大型房企反為有發展機會，「（現時）併購係一個好好嘅機會，因為兩、三年前，其實好多內房都做咗好多公司債，好多都會響今、明年陸續到期，佢地再融資好難、再發債亦都發唔到、咁可能項目亦都有些少問題，所以佢地（旗下項目）都可能要賣出黎。我地覺得呢方面機會比較大。」

例如世茂今年迄今七成以上新增土地都是透過併購獲得，同時融資渠道多元，包括銀團貸款、ABS、公司債等，借貸成本亦合理。由於併購方面多斬獲，許世壇指公司在招拍掛市場上將會較謹慎，對利潤要求較高。

「內房之間嘅競爭喺好激烈，依家喺大魚食細魚、快魚食慢魚。你要確保你有足夠大（規模）、足夠快（周轉），仲要做得好過人地。其實係好殘忍，你收購咗人地，人地項目又少咗、市場空間又細咗。」許世壇形容。

他續指今年首五個月內地樓市比預測好，從投資數據、交投等統計都有所反映。由於三到四月期間出現多幅地王，令各地調控政策出臺，市場亦重回理性，預期下半年政策會偏向中性，並繼續因城施策，「未必會收得特別緊」，全年整體銷售金額會維持在約14萬億的高位。

世茂在港持有三個項目，料東涌酒店明年上半年開業，九龍大窩坪延坪道項目則要到明年下半年開盤。本港樓價指數破頂後急速掉頭，許世壇認為香港市場反應特別快，而集團則目距離推盤仍有段時間，屆時將視乎市況決定推盤速度。

高銀金融（530）將啟德百億商業地王撻定，許世壇認為「可能係香港制度唔係咁合理，因為響大陸棄標成本係好高，聽講呢邊好低」。國內投地保證金普遍在地價10%，而高銀金融今次投地按金為2,500萬元，佔地價不足1%，許世壇覺得按金訂在地價5%到10%會較具阻嚇作用，「千份之幾應該無乜作用」。不過，他相信地王撻定屬商業決定，集團仍長遠看好香港市場，會繼續物色投資機會。

世茂股價最新報23.05元，升1.32%。

記者：陳東陽
-----------------------------
你撐蘋果 我捐$1
支援反送中抗爭者