噚晚葉佩雯(Grace)同郭偉亮(EricKwok)嘅婚宴，大家高高興興，點知前夕爆咗單藝人涉吸毒事事件，仲話有片為證。前日本來講到實牙實齒嘅爆料人黃浩(徐淑敏老公)，噚晚忽然轉口風話啲「丸」仔係「解酒丸」，又話睇唔清。唔知想點。

不過一眾被追問回應嘅藝人就慘，特別係一對新人，Grace同EricKwok。Grace話冇影響心情，但都忍唔住爆咗句﹕「乜送咁大份厚禮呀﹗」至於陳奕迅，日頭做兄弟時已經有啲異樣，唔做訪問；夜晚喺酒店嗰陣更加黑面，又不時走咗去露天花園仔嗰度扯煙，唔知係有心事定因為老婆徐濠縈冇嚟。走嗰陣見門口大班傳媒喺度，Eason塊面都有啲黑，轉身返番入去，改由後門離開。