當年今日
關於我們

隔牆有耳:局長平遊澳洲 - 李八方

蘋果日報 2008/11/08 00:00


澳元滙率跌得甘,八方好多朋友苦中作樂,唔去日本轉戰澳洲,紛紛訂機票請假,諗住平平哋玩幾日,環境局局長邱騰華動作仲快,噚晚已經出發,去澳洲訪問一星期。
邱騰華第一站到悉尼,見副巿長同市政府首席執行官,又會同新南威爾斯環境保護及氣候變化廳副總監會面,順便參觀議會大樓。第二站係坎培拉,當地聯邦環境保護、文化遺產及藝術部部長會招呼佢。
邱騰華又會同氣候暖化專家RossGarnaut會面。Ross認為若實行碳排放交易,政府應將收益回饋人民,特別係低收入人士,因為大企業會將減排成本轉嫁用家,對基層影響最大。