噚日八方都預告過，已退休嘅第12屆全國人大法律委員會主任委員喬曉陽本周來港訪問，特區政府回應傳媒查詢時證實，喬曉陽周四抵港、周五出席為問責官員、高級公務員舉行嘅內部《基本法》座談會。公務員事務局局長羅智光今日出席立法會財委會後話呀，據佢理解，喬曉陽此行應該講憲法方面嘅問題，活動唔係由公務員事務局安排。

問到點解喬曉陽退咗休，特區政府仍然請佢來港演說？羅智光就話，經常都有好多呢啲內地官員同教授來港，趁此機會同高級公務員、行會成員介紹憲法都係好事。咁喬曉陽係咪會提及港獨問題？羅智光窒咗窒話：「宜家梗係唔知道，我剩係知道同憲法有關啫！」

咁又係，佢又唔係喬曉陽肚裡條蟲，尤其京官嘅所言所想，港官有時未必跟到㗎！

《蘋果》沙士15周年系列網站，正式登場：
https://hk.feature.appledaily.com/sars15