當年今日
關於我們

【組男團?】想班囝囝喺娛圈發展 《全民造星》花姐澄清比賽冇內定

蘋果日報 2018/09/25 14:22

ViuTV姜濤花姐全民造星

今日商台好熱鬧,ViuTV節目《Good Night Show全民造星》嘅最後10強細貓、Edan、龍志權、Jeremy、Anson Kong、Stanley、姜濤、肥仔、Ian同Lokman,由監製花姐(黃慧君)帶領下,浩浩蕩蕩一齊接受訪問,花姐話下月14號就係總決賽,到時嘅評判有劉偉強同周慧敏等,花姐希望之後佢哋都可以入行投身幕前,佢笑言就好似媽媽生仔嘅心態一樣,佢話:「我好期望公司可以俾機會佢哋,希望佢哋可以繼續喺呢一行發展,係咪組男團我就唔知,我有提議過之後拍個節目,除咗sell偶像,可以好似遊戲或者綜藝節目咁,就類似Smap x smap咁,一組人又可以綜藝、唱哥同拍戲咁就最好,不過唔會係我監製。」而花姐就睇好Ian同Lokman,但就澄清一定唔會有內定。
10強中最有新聞性嘅莫過於姜濤,佢之前爆自己冇拍過拖又係處男,令一班fans嗒晒糖,不過最近就有人放咗啲姜濤喺3年前嘅拖女相上網,姜濤直認不諱係佢本人,佢話:「講起都丟架,啲相係返緊學,我都有少少鍾意個女仔,當時啲朋友起哄,話個女仔都鍾意我,就拖手,結果個女仔同我講係大家一齊玩吓,真係丟架。當時真係好開心,所以就將facebook set 做戀愛中。而另外一張同女仔合照,嗰個係我表姐。」問佢係咪同拖手女生冇下文?姜濤好肯定咁話:「我都想有下文,不過只係拖手行咗一條街,睇戲食飯都冇。」佢仲話見到之前嘅朋友惡意留言,覺得冇中生有,令佢好唔開心。
至於又有指姜濤個樣同前幾年好唔同,有整容之嫌,身旁嘅Anson同花姐即時測試,狂篤姜濤個鼻同模下巴,證明姜濤嘅「真面目」,非常搞笑!姜濤笑言:「點講都冇用,大家可以摸我塊面,只係肥同瘦有變化,唔出奇。」
精選娛聞,喺晒《娛果》
http://fb.com/appledailyent
empty
《Good Night Show全民造星》嘅最後10強一齊接受訪問
empty
花姐話下月14號就係總決賽,到時嘅評判有劉偉強同周慧敏等
empty
10強中最有新聞性嘅莫過於姜濤
empty
有指姜濤個樣同前幾年好唔同,有整容之嫌,身旁嘅Anson同花姐即時測試
empty
姜濤笑言:「點講都冇用,大家可以摸我塊面,只係肥同瘦有變化,唔出奇。」