海中蝦用黃金蝦做法，沾蛋黃碎炸咬落脆卜卜，糯米飯淋過豬油，所以特別香滑，唔會食到成嘴黐𣲷𣲷。

勁受歡迎菜式之一，原隻鹹豬手開脆漿炸，有齊外脆內腍兩種唔同口感，豬手好入味，點特製黑椒汁食，好味程度倍增。

唔同中式鹹蛋蒸肉餅，改用西式方法焗15分鐘至全熟，中間有原隻鹹蛋黃，味道唔會過鹹唔送飯就咁食都得。

客仔Ray話︰「可唔可以畀11分呀？有靚女落Order，會叫多啲嘢食。」

送貨阿峰︰「畀10分。我最鍾意送貨去八仙，因為有靚女睇，得意妹個樣好鬼死得意。」

新八仙樓海鮮酒家（27701111）
地址︰旺角砵蘭街109號地下