F1雖然係全球矚目運動，對推廣旅遊業亦有好大幫助，但因為營運及保養賽道每年都所費不菲，近年已經有唔少國家放棄舉辦F1，包括馬來西亞完成今屆賽事後就唔續辦，中國站亦都去留成疑，不過新加坡就無懼退辦潮，周五同F1宣佈續約4年，至少F1黑夜賽會玩到2021年。

F1新加坡站2008年復辦，今年係10周年，賽前新加坡政府同F1達成續約協議，新加坡貿易及工業部長易華仁表示：「協議對雙方都係好事，過去10年F1都為宣傳新加坡帶來良好嘅作用。」