「波叔」拿化波爾（LsVar Ball）向來都鍾意亂講嘢搏出位，而佢近日接受訪問時，有記者問佢囝囝朗素波爾（Lonzo Ball）今夏係咪會跟NBA名宿尼殊（Steve Nash）學跠嘢時，波叔竟然話：「唔係！我個仔冇講過呢件事，而且尼殊有乜可以教到我個仔？Come on！佢又矮又慢囉。」

波叔講呢番說話之前，睇怕都唔記得咗尼殊喺NBA攞到幾多成就，就年43歲嘅尼殊曾於2005至06年蟬聯MVP、八次入選明星賽、三次獲選為NBA最佳陣容、五度榮膺助攻王，而且上季更以顧問身份助勇士奪冠。