當年今日

洪朝豐冇機會留低
有線節目改革女人惡晒

蘋果日報 2002/04/10 00:00


洪朝豐半年前開始主持有線電視節目《一個機會》,該節目原本反應不俗,但因有線要減低成本,將部分自製節目取消,洪朝豐與林子聰慘被飛出局。
洪朝豐半年前應有線電視邀請,主持訴心聲節目《一個機會》,當時有傳主持一年,洪朝豐應可得到約百二萬的收入。可惜有線為了減少開支,由下月開始,娛樂台將會取消洪朝豐的《一》節目,而逢周五張學潤與林子聰(肥仔聰)主持的《娛樂熱賣之王》亦要停播,有線暫時並未有新節目安排給洪朝豐與肥仔聰主持,而張學潤則仍繼續主持逢周一的《娛樂熱賣友唱友跳》。

「唔到我急」
有線節省開支,洪朝豐慘成失業大軍其中一員,昨日記者致電給他,洪朝豐承認說:「早幾日收到公司通知,話我主持嘅節目會做到四月底就結束,暫時我未有打算,可能會接啲散騷嚟做,呢個禮拜六我會為燦師傅間餐廳表演。其實喺有線做咗呢個節目半年,𠵱家個節目要結束都冇辦法,有啲事都唔到我急。」
有線由下月開始會有新節目調動,除了多購外地節目,減少自製節目外,毛舜筠亦會主持新節目《好女人系列》,並已成功訪問了劉嘉玲、關之琳和李司棋。

「關係好好」
昨日記者致電有線電視節目運作副總監許佩斯,她表示:「其實有線耐唔耐都會轉吓節目而唔係節省資源,只係想增加觀眾嘅新鮮感,洪朝豐同肥仔聰暫時未有新節目安排畀佢哋,但我哋關係好好,如果將來有新節目啱佢哋,有線會再搵佢哋。」