在無綫新劇《烈火雄心III》中扮演消防員的鄭嘉穎和黃宗澤，昨日到東龍島高達100公尺的崖邊拍外景。對於日前旺角五級大火中兩名英勇消防員殉職，嘉穎和宗澤均感到心痛，又指投入拍攝期間，更了解消防員的辛勞。

鄭嘉穎、黃宗澤和黃家樂等《烈火雄心III》演員，昨日於東龍島拍攝一場懸崖拯救戲，劇情講述有傷者被困懸崖，鄭嘉穎和飾演救護員的黃家樂游繩而下拯救。

「真係搵命博」

昨午氣溫高達31度，鄭嘉穎一度除下頭盔唞凉，陳宇琛手中的頭盔卻不慎掉落山崖，嚇得鄭嘉穎即時戴回頭盔保護頭部。鄭嘉穎說：「估到會有石仔跌落嚟，不過頭盔就估唔到喇。今次都唔算驚險，之前拍《大學狂奔》試過20幾樓咁高，頭向下落先。今次有攀山專家同真正消防員在場，好放心。」。
提到日前兩位消防員英勇殉職，鄭嘉穎說：「呢幾日感受好大，我哋任何一個演員都好感觸，好似失去兄弟咁。拍呢套劇之後，知道佢哋真係搵命博，每次出去都唔知有冇命返。發生呢啲事冇人想，我哋有任何嘢幫到手都願意幫忙，亦都要向佢兩位致敬。」

「當佢哋兄弟」

黃宗澤也被消防員感動，他說：「我哋拍劇嘅危險，同真消防員入火場簡直係天壤之別。火災當日我哋喺大角嘴拍外景，已經見到好大煙，不過後來睇新聞至知，個心好唔舒服，因為拍呢套劇之後，我都當咗佢哋係自己兄弟咁。」
採訪、攝影：藍文浩