當年今日
關於我們

【韓流】少時想做才女公司唔收貨

蘋果日報 2015/09/05 06:00

蘋果少女時代香港韓國韓劇少時Tiffany即時徐玄允兒女團SNSD柳熙烈的寫生簿因為是第一次

韓國女團少女時代(少時)作為女子天團,本應係要風得風,要雨得雨,不過原來佢哋都有被人拒絕嘅時候。事緣少時都有一顆才女心,一直都有自創歌,不過就成日被所屬嘅SM事務所請食閉門羹。

於噚日播出嘅音樂節目《柳熙烈的寫生簿》中,少時以嘉賓身份演出,當被問到「今次專輯中冇少女時代嘅自創曲,有感到惋惜嗎?」成員Tiffany表示:「公司嘅標準非常嚴格,成員中有人將自創曲交上去,但都被退回來。公司嘅主題係非常明顯嘅,歌詞中一定要有『未知的世界』、『幸運女神』、『智慧女神』等歌詞,但我真係唔擅長咁樣(創作)。」而徐玄就表示:「我寫咗6首歌,結果都落選。」

節目嘅最後,Tiffany公開自己創作嘅首支歌曲《Bittersweet&Crazy》,仲自曝當時係面壁十個小時先完成。

另外,人氣成員允兒BB將客串演出OnStyle新劇《因為是第一次》。