【自讚手感好】張若錡被Fans「枕」胸覺有趣 曾收男士下體特寫
蘋果日報 2019/12/29 16:30
張若錡立體胸形滑鼠墊
（攝影：黃曉妍）
張若錡今日在旺角為寫真集及立體胸形滑鼠墊舉行簽名會，吸引約10名fans到場，其中一名男fans更拿着她以往的寫真索簽名。
張若錡透露台灣出版商看中寫真集內的一張相，於是提議製造立體胸形滑鼠墊，全球限量300個。問到張若錡被人「枕」住胸部，感覺會否很怪？她笑說：「我覺得幾有趣，幾搞笑，好似嗰陣時嘅攬枕，咁大個，fans都買番屋企攬住我、收藏我，我都幾開心，其實都幾好『枕』，手感幾好。」
張若錡坦言不介意，亦大讚fans乖，她說：「平時都冇誇張嘅舉動，普遍嚟講，我啲fans都唔係瘋狂，佢哋都好sweet，有時收吓嘢，喺樓下等我，其實係貼心，行為唔係瘋狂。」不過她表示曾收過陌生男士的下體特寫：「喺Instagram send私隱部位畀我睇，或者講啲好猥瑣嘅說話，我多數唔覆對方，因為畀回應對方，佢先會開心。」
採訪、攝影：黃曉妍
張若錡今天舉行簽名會。
吸引近10名fans到場，部份人拿起相機不停狂拍。
張若錡指立體胸形滑鼠墊手感不錯，而且全球限量300個。
她坦言曾收過陌生男士的下體特寫，但沒有理會對方。