從練廿載的姚本輝，近十次賽事取得七冠七亞九季，今季累積24W龍虎榜排名躋身十大。今期姚廐出馬五匹，其中第二場「鼓浪飛星」及第三場「實在威」近況勇銳，即使排外檔起步，亦有權贏馬甚至起孖。
第三場四班1650米：只有「金碧旺旺」上場跑入三甲，水準極低的四班賽。「實在威」今季出賽頻率正常，跑姿逐漸變得規矩，末段衝刺時已能夠跑到直線，四歲馬表現大有進步。前仗跑田草1400米，後上只輸四分三馬位得第三，上仗莫雷拉發揮令人眼冤，直路走入馬群無法望空衝刺。1月16日曾試谷草1200米閘跑第一，窄場性能已試準，轉戰谷草亦可放心捧場。
「金碧旺旺」跑同程獲一冠兩亞，無論放頭抑或留後都能夠跑得好，反映質素超第四班，今場孭128磅唔算重，潘頓騎蘇廄新勝馬信得過。「開心旅程」大前仗跑田草1600米，在慢步速不利後追情況下，後上只輸四分三馬位得第四，而且能夠與「精算博奕」跑近，走勢相當出色，近兩仗跟得較前，但末段衝刺乏力，今場若果肯留後追，隨時贏埋都唔奇。「包裝勝將」前仗配巫斯義，跑田草1600米得第五，人馬重逢，提防出冷。

詳盡內容可留意明日<<蘋果日報>>及蘋果馬網 http://hk.racing.nextmedia.com