盧頌之(DaDa)今晚喺尖沙咀出席一間夜店嘅開幕，DaDa早排因醉駕被判罸社會服務令，佢話0依家仲做緊社會服務令，應該要做到出年三、四月，問佢會唔會影響工作？佢話:「都唔會，只係一星期做一日，但的確有客戶問我啲官司搞成點，然後就無咗下文。」

當時DaDa撞爛咗DJ陳達仁價值四十幾萬嘅車，問佢有無向對方聯絡賠償？佢話:「無主動聯絡佢，其實我已經將所有事情交俾保險公司同公正行處理，但佢哋一直未有消息，所以我無問情況。」

咁有無同陳達仁道歉？佢話:「其實事發時我喺醫院都不斷同佢同埋佢屋企講對唔住，但後來新聞出咗之後佢就突然消失咗，然後就Block晒我，所以我都無聯絡佢。」