潘頓近期表現相當穩定，近十次賽事上陣83次取得21贏26位成績，勝出率達25%，上名率更高達56%。而且，近期潘頓不斷尋求有份量的新座騎，可見他爭奪今季冠軍騎師寶座的決心。明日（27日）潘頓有十匹座騎，第一場新馬賽策沈廐馬「盈多福」，可望一出即勝。

第一場新馬賽1200米：七匹參戰馬來自三個馬房，其中沈集成一對賽駒進度較為理想，有望構成馬房Q。

「盈多福」出自新種Harbour Watch，此系馬在英國普遍表現早熟，而且性能宜跑一哩或以下路程。此駒的三匹同母馬在外地都已經贏馬，其中同母兄長Horse De Combat首次上陣便贏馬，而另一匹同母馬Stroll Patrol首戰上名，翌仗順利贏馬，可見母系血緣相當早熟。

「盈多福」在港曾試閘兩次，4月17日試800米跑第三，竟能拍住早前贏馬的自購馬「滿地可」衝線，而且與對手纏鬥時，此駒的鼻孔擴張及雙耳豎起，競賽意慾高漲，天生鬥心旺盛，質素非凡。今仗初出跑新馬賽，穩開勝門。

「銀照收」上仗初出跑直路賽，出閘後不久被擠阻，早段因而遠遠落後，末段移向中置望空衝刺，交出22秒7快時間，追回一席季軍，今仗增程更腳法。

第三場四班1600米：「精選直前」上仗跑五班同程贏馬開齋，輕取對手兩個半馬位，當日在最後二百米透出穩操勝券，取勝姿態大把在手，五歲愛爾蘭馬表現完全開竅，勝後雖加分至45分，兼且升上第四班，但前景仲未見盡，能力肯定高過廐侶「天胆」，跑中長途至少值四班頂，仲有兩、三場頭馬在手。今仗孭少九磅更有利，值得信賴。