【10年進化】SMS溝女進化到用AR 手機玩益智Game變電競
蘋果日報 2019/03/15 00:06
電競自拍手機十年
十年，可以有好多改變，上星期Gadget Guy講到手機科技進化，改變工作習慣和模式，今次再睇睇如何改變生活。Gadget Guy係全男班，十年前就跟一眾年輕男生一樣，總少不了溝下女。唔知大家仲記唔記得，十年前WhatsApp才剛推出，完全未普及，手機溝女靠的就是SMS。有睇《志明與春嬌》就點都記得「i n 55!W !」，相信亦有不少人試過用文字砌公仔，簡單又考創意。到十年後，齋玩Emoji都已經算out，用埋自己個樣玩AR Emoji先算最過癮，夠個人化，圖像亦更有趣，不過當然啦，溝唔溝到女呢，就同工具冇關嘅，主要都係「your face, your fate」又或者睇你有冇錢喇，呢樣係十年前後都不變嘅。
講完仔，都要講下女，十年來手機鏡頭進化相當誇張，特別是前置自拍鏡，由幾十萬像素，到如今千萬像素兼有得玩景深，影得越來越靚，同時令「照騙」案件更多。另外，今時今日手機兼具電子錢包功能已是大趨勢，信用卡甚至八達通都完全跟手機結合，想買嘢、增值、簽卡都是一部手機能做到，比十年前袋幾廿張卡，甚至要用散紙自然方便得多。
還有不可不提的當然還有手機遊戲，當年礙於手機效能速度，一般遊戲的畫面和玩法都比較簡單，Angry Bird已經叫做又靚又好玩。但到十年後的今天，手機功能大提升，有新機甚至有1TB容量加12GB RAM，隨時勁過你部電腦，再加埋更高質屏幕畫面，兼水冷散熱等，手機差不多是為打機而設，遊戲亦當然進化至更高級數，甚至連玩電競比賽都得，更可說間接（可能係直接）令其他手提遊戲機沒落。
記者：韓繼聰、司徒港燊
攝影：伍永健
攝影：伍永健
Produced By：Fruity Nutty Studio
-------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
---------------
全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2VKESPM
十年來手機鏡頭進化相當誇張，特別是前置自拍鏡，由幾十萬像素，到如今千萬像素兼有得玩景深，影得越來越靚，同時令「照騙」案件更多。
十年前WhatsApp才剛推出，完全未普及，手機溝女靠的就是SMS，到十年後，齋玩Emoji都已經算out，用埋自己個樣玩AR Emoji先算最過癮，夠個人化，圖像亦更有趣。
今時今日手機功能大提升，有新機甚至有1TB容量加12GB RAM，隨時勁過電腦，再加埋更高質屏幕畫面，兼水冷散熱等，手機差不多是為打機而設。
濕水對十年前的手機可算是最大敵人之一，如今防水差不多是手機的基本功能。
手機兼具電子錢包功能已是大趨勢，信用卡甚至八達通都完全跟手機結合，想買嘢、增值、簽卡都是一部手機能做到，比十年前袋幾廿張卡，甚至要用散紙自然方便得多。