晚上7時21分，亞視營運總裁馬熙由一個保安、三名公關陪同，到亞視門口受訪。他一邊讀「貓紙」:「各位辛苦晒，等咗成日，一直以嚟我同我管理層盡最大努力，對發薪嘅事籌謀，但呢幾日我盡咗一輩子以嚟最大努力，透過各種唔同途徑，包括為員工安排薪金，同各董事、投資者，包括司榮彬先生要求注資，但唔成功，咁無奈直到依家，公司仲未有足夠資金可以支付發十二月同一月薪金。我對於未能夠今日發薪金一事，向各位同事致歉，及感激各同事對公司嘅支持，一路對公司嘅支持。」

馬熙續道:「關於公司未來動態，我依家要求馬上召開董事會，請董事們決定以後公司嘅前路，就係咁多。」發言只有短短1分鐘20秒。

「公司未來動態」一句可圈可點，未知是否包括商討是否清盤等決定。

馬熙有向員工致歉，但沒有鞠躬。讀畢聲明後，馬熙問完之後想再提問轉身行入去，保安公關行入去，在場傳媒追上再發問點解呃員工，頭先有無被人圍等等問題都無作回應，亞視大堂兩部升降機都停止運作，而馬熙都係以樓梯作上落樓，當佢回程時步行上回一樓後即閂門，記者就不能再追問。