22名民主派議員昨日去信內會主持人、公民黨郭榮鏗,指上星期五內會上,立法會保安對於4名建制派議員被逐消極不作為,質疑表現背棄中立專業,要求傳召立法會秘書長陳維安及保安主任交代當日失職事件。
過去多次在建制派主持會議間遭保安粗暴抬走的民主黨許智峯接受《蘋果》查詢指,觀察到郭榮鏗勒令何君堯等建制派離場時,在場保安明顯「放軟手腳」,「佢對住我哋嗰陣係會進行肢體接觸,再武力抬走,但當日唔見到對何君堯有咁做,明顯對住建制派時就卑躬屈膝,對住民主派時就惡形惡相」。許更指,留意到當時保安遭何君堯呼喝「叫你阿頭出嚟見我」後,「佢哋直頭好似怕咗佢(何君堯)咁」。而過去他被逐出會議廳後,保安都會不准他重返會議廳,但當日會上卻見另一被逐的陳健波其後自由出入會議廳,認為陳維安身為立法會保安的上司,必須清楚交代,稱民主派一定追究到底。
民主黨主席胡志偉亦指,過去見到保安驅逐民主派離開會議時相當積極進取,「但嗰日佢哋處理何君堯時,明顯見唔到呢啲積極性、進取性」,令人感到保安處事的手法,猶如現時警隊偏幫「藍絲」一樣,「藍絲打黃絲巿民,就放藍絲拉黃絲,呢種偏頗嘅做法,陳維安一定要解釋清楚,因為保安喺大樓裏面服務嘅對象,應該係全部議員,而唔係選擇性的議員」。
民主派信中批評,當日保安所為明顯違背《立法會歷史、規則及行事方式參考手冊》,有關需要時刻恪守「完全中立及專業」的原則,也做不到《立法會秘書處為議員 提供服務的資料冊》所指「無分黨派地為立法會提供服務」,要求郭榮鏗向行管會主席表達關注,適時展開調查程序。
記者 林俊謙
-----------------------------
【武漢肺炎】專頁 全民自救 抗疫資訊盡在《蘋果》
-----------------------------
無懼警暴 學懂自救
《抗暴之戰●法例須知》
讀果 上架