消防員的工作是保護市民的生命財產，重大使命背後，薪金津貼、工時及晉升機會等與上班一族無異，救人救火時卻要「搵命搏」。網民「HAHAHACHANKIN」在消防世界討論區中貼題：「如果有一份月薪較消防員多一萬元，工作時間一樣，朝九晚五，晉升毋須等過十年，你會不會走？」

網友「WONGCHIKIN28」率先回應，坦言：「想做消防員預咗人工唔會有咩突破，一早已有心理準備。」「夢想消防員小天」附和：「我都唔會走呀！因為做消防員已經係我人生的理想。」「STONE6092」認同：「入得去我就唔會出返嚟！我要完成我最大理想！」「sing152021」表明心迹：「我都唔會走吧！如果考到入去，我就預咗一世㗎啦！」「Qoo」也來和應：「我都係！除非冇咗嗰啲衝勁啦！」
「YP665」較為現實：「返一日工、放兩日假，當然唔會走！」「hahahachankin」笑言：「計埋啲大假之類唔止咁少㖭！」

「人嘅價值觀會變」

不過，「HIN1018」卻很無奈：「睇吓你係做前線定control，前線都唔會走，但control好難講，因為壓力真係好大，做救護control仲慘，一日千幾個call（召援）！」「KEVIN.CHUI」同意：「人嘅價值觀會變，第時結咗婚，生咗仔，年紀大嗰陣，諗嘅嘢又會唔同咗，到時唔係個個都可以企硬唔要錢及前途！」

《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]