銀行界競爭激烈乜都爭餐死，但估唔到連banker都要爭！中環小密探報料，最近個戰場係私人銀行部，但唔係鬥搶客，係鬥搵得多banker，戰況激烈到唔理好醜、最緊要「叠友」嘅地步，變相將banker行頭嘅入行門檻大大降低！
聞說，某大美資行同某大歐資行私人銀行部門，為咗擴軍，居然向風馬牛不相及嘅髮型界同地產界埋手，搵咗批hairstylist同地產經紀做privatebanker。貪呢班人客路多，佢哋嘅客更fit晒各大小銀行𠵱家虎視眈眈嘅mid-market。
總之，只要你有100萬資產（港紙），就有大把banker貼身招呼你！自問有咁多客源，不妨去應徵，過吓banker癮！