第25屆華鼎獎今天在澳門百老匯舉行，梁競徽、何天兒（何傲兒）、孫耀威、鮑起靜、傅穎、麥家琪、杜宇航、湯加文、孟瑤等率先現身紅地毯。

梁競徽（前名梁烈唯）早年多次在網上表明愛國之心，前日開始忽然被洗底，一眾IG網民感謝徽徽，讚徽徽參與反送中遊行，更有指梁競徽今天在金鐘出沒，但其實他今天人在澳門出席華鼎獎頒獎典禮，他負責擔任頒獎嘉賓，又稱心情有點緊張，因為不知道要頒甚麼獎，今天早上他人還要進行拍攝工作。

問到梁競徽被指參與反送中遊行，他笑言：「今日張相仲整得靚咗，好真，之前嗰啲相都係喺《鐵探》度搵出嚟，都唔會對我有影響，啲朋友都識得分啲P圖係真定假。」談到大陸網民鬧他去遊行，他說：「而家冇鬧喇，噚日都有人搵返張原圖出嚟，張原圖係之前同三哥（苗僑偉）拍《飛虎》嘅時候影。」問到會不會怕被遊行，他指：「冇得話怕唔怕，因為呢樣嘢我都控制唔到。」

改了名何天兒的何傲兒，身穿露背高叉裙性感現身，她表示不是真空上陣，所以不怕走光，「鍾意呢條裙嘅設計，可以顯得我身長啲，最近都瘦咗，跟營養師餐單keep fit。」何天兒更自爆最近試連皮吃南瓜，之前食奇異果和火龍果都是連皮吃下，她說：「連皮食對脾胃好，我本身消化唔係咁好，用呢個方法可以排多啲毒素。」問到三圍數字?她卻推說很久沒量度，但深知自己易水腫，所以會繼續努力減肥。

-----------------------------
【新聞有價】6月17日起 繼續撐蘋果
http://bit.ly/2IJ24ZR
--------------------------------
【記住63836568】全民爆相爆片！下一個爆料王就係你
https://bit.ly/2Guolu9