地產多聲道：EQ零蛋 炒樓瓜得
蘋果日報 2004/07/16 00:00
西灣河逸濤灣有投資新手，受市場消息擾亂，加上把持不定，短短幾個月內，先後歷經買入賣出、賠定收回、轉售為租等轉變，可算係經典。
香港置業葉明輝透露，個投資者二月用近六百萬，買入秋盈軒低層C，諗住短炒，點知個市好快轉靜，放盤無人吼，於是抱住蝕少當賺心態，匆匆以五百六十八萬，低市價五個巴仙脫手。
收咗二十萬定後，先知恒基揚言，同區嘉亨灣，以每呎七千五高價開售。消息一出，投資者後悔賣平咗，毅然決定賠定二十萬，加埋代理佣金近六萬，收番個單位。
之後，佢又心大心細，初時打算抬高叫價再售，但又想睇埋嘉亨灣銷情至算，反覆思量，𠵱家終於決定唔賣，改為放租，開價月租兩萬五。
議員要求大埔起酒店
大埔政府綜合大樓落成，臨時街市遷入，舊街市原址擺入勾地表，可建商住樓。不過，大埔區議會批評政府，完全冇考慮點帶動大埔經濟活動。
由於塊地喺大埔墟同太和火車站中間，佢哋要求政府，不如將塊地另改用途，起品牌商場同三星酒店。如果嫌塊地細，可將對出倔頭路，同文娛社區中心土地合併，再以行人天橋連接兩個火車站，建立核心商業購物區。
佢哋話，𠵱家自由行咁「行」，一定可以帶旺大埔經濟，好過做住宅，賣咗就算。又話，會上書房屋及規劃地政局。蘭西擔心，政府未必理會。
塊地有成三萬五呎，明年一月可以賣。
香港置業葉明輝透露，個投資者二月用近六百萬，買入秋盈軒低層C，諗住短炒，點知個市好快轉靜，放盤無人吼，於是抱住蝕少當賺心態，匆匆以五百六十八萬，低市價五個巴仙脫手。
收咗二十萬定後，先知恒基揚言，同區嘉亨灣，以每呎七千五高價開售。消息一出，投資者後悔賣平咗，毅然決定賠定二十萬，加埋代理佣金近六萬，收番個單位。
之後，佢又心大心細，初時打算抬高叫價再售，但又想睇埋嘉亨灣銷情至算，反覆思量，𠵱家終於決定唔賣，改為放租，開價月租兩萬五。
大埔政府綜合大樓落成，臨時街市遷入，舊街市原址擺入勾地表，可建商住樓。不過，大埔區議會批評政府，完全冇考慮點帶動大埔經濟活動。
由於塊地喺大埔墟同太和火車站中間，佢哋要求政府，不如將塊地另改用途，起品牌商場同三星酒店。如果嫌塊地細，可將對出倔頭路，同文娛社區中心土地合併，再以行人天橋連接兩個火車站，建立核心商業購物區。
佢哋話，𠵱家自由行咁「行」，一定可以帶旺大埔經濟，好過做住宅，賣咗就算。又話，會上書房屋及規劃地政局。蘭西擔心，政府未必理會。
塊地有成三萬五呎，明年一月可以賣。
新地中環國際金融中心商場，新推出「代客提送服務」，只要致電商場禮賓部，十分鐘內有專人到達，幫客戶將所購物品，送到商場內指定地點，或者暫時寄存。顧客買得輕鬆，會愈買愈多，商戶自然得益。
講開新地，三十幾年為員工提供午膳，堅持唔用發泡膠飯盒，若果全公司都用，就不得了，因新地有千三員工，每年返工二百九十五日，一飯一湯計，要用發泡膠盒七十六萬，叠起等同三百幾座新鴻基中心咁高。
北京奧運會前期基建配套進行得如火如荼，奧林匹克公園中心區商業及文化地塊項目策劃權，中國政府全球招標，結果中原（中國）擊敗二十幾個對手，奪得策劃權。
中原（中國）董事總經理黎明楷話，近幾年公司逐步轉型，在加強成盤能力外，重強化項目前期顧問服務，今次中標，證明方向正確。佢透露，喺二十幾份標書中，有十間係境內外專業顧問機構。
項目佔地三十三公頃，可建樓面近千五萬呎，擬建商場、寫字樓、酒店及公寓等。黎明楷話，公司會在項目城市功能、市場定位、研究分析同整體建築規劃等方面，負責策劃。
樓市上半年旺嘅日子多，代理行業都大豐收，利嘉閣噚日公布，上半年營業額二億六，相對舊年同期嘅億二，增加一倍有多，今年連續六個月，個個月都有盈利，真係可喜可賀。
利嘉閣執行董事廖偉強預計，全年營業額，可以超過五億，比舊年嘅兩億八，增長近八成。
下半年佢哋嘅擴展大計仍然繼續，現有七十幾間分行，千一員工，廖偉強話，年底前計劃將分行加至一百間，員工增至千四人。
深圳觀瀾湖高爾夫大宅，繼在廣州做路演後，今日移師上海，同場推出別墅發售，呎價二千二蚊人民幣，每幢售價由一千萬起。
聽講，樓盤上月喺廣州做路演時，有四百人參觀銷售場，當中一百個，更親赴觀瀾湖參觀示範單位，即場洽購。
樓盤推出以嚟，賣咗十六伙。
觀瀾湖高爾夫大宅，開放嘅三間示範屋，面積四千七至九千三呎。
蘭西
電郵地址：
大埔臨時街市塊地，最快明年初可以賣。
黎明楷認為中原專業化方向正確。
利嘉閣廖偉強（右一）預料今年營業額可逾5億元，較去年多八成。