有「台獨樂隊」之稱的台灣閃靈樂團日前因遲遲未獲工作簽證，被迫缺席何韻詩主辦《On The Pulse Of 我們正在》音樂會，對於被迫取消演出，閃靈樂團團長Doris(葉湘怡) 感覺香港變了，其後閃靈樂團前晚於facebook留言指「感謝所有香港人這幾年來為了民主自由的努力」，相信有一天，閃靈可以再次站在香港為大家演出。

何韻詩今日收到入境處回覆，稱申請者須擁有「香港境內不存在嘅技能或知識經驗」，何韻詩覺得這個解釋好得意，有網民笑言：「原來大媽可以入境，因為識千里煩音同跳老舞。」另一網民留言：「 咁以後香港咪洗旨意可以有任何外國歌手嚟演唱啦!」何韻詩亦有回覆：「我就睇吓下個嚟嘅歌手有咩特別技能。」

網民留言：
「好想知係咪隨便喺街搵個人都玩到閃靈嘅歌。」
「強烈建議入境處舉辦音樂頒獎典禮，因為佢哋應該好識得分辨邊個特別啲、叻啲、好聽啲。」
「咁係咪會即時遣返啲外傭呀？香港人唔識洗衫煮飯咩？」
「魅力係咪一種技能？每個人嘅魅力都唔同。」
「又唔係移民，咁嘅理由真係...唉...」
「將移民個『專才』當住理由用住先?」