人大薛鳳璇一向唔多鍾意煲呔,兩年前佢提名民主黨高達都唔益煲呔,今年繼唔繼續撐民主派,璇哥就仲未表態。八方噚日打電話畀璇哥問問,璇哥拎起電話,卻突然話自己係秘書,「佢唔喺度,你留低電話。」
八方同喺港大教書嘅璇哥交過手,認得出聽電話係佢本人,堂堂大學教授,點解要講大話?八方另一個同事唔信有人咁無聊扮自己秘書,之後再打電話搵薛鳳旋想問佢會提名邊個,點知璇哥繼續精神分裂,死都唔肯認自己就係薛教授,繼續話「佢唔喺度。」璇哥連自己都唔敢認,睇怕今年更加唔會有勇氣去提名傑哥啦。
八方前日都寫過另一位薛先生:鄉議局選委薛浩然,讚佢夠開明肯去聽梁家傑講參選政綱。實情佢係劉皇發妹夫而唔係女婿,發叔話對妹夫撐傑哥無意見咁話。