由古天樂、張智霖鄭嘉穎、鄧麗欣、栢天男（Adam）等人主演嘅電影《L風暴》，日前煞科，而咁橋古仔喺今個月21日係佢47歲生日，老闆黃百鳴、導演林德祿以及劇組準備了兩個蛋糕為古仔慶生，送上驚喜。

當日拍攝場口係講述飾演ICAC嘅古仔同廉政公署嘅內部紀律調查組嘅嘉穎同Adam，喺遊艇上激烈打鬥和海上追逐，古仔同嘉穎喺快艇上追捕罪犯，雖然當日嘅通告清晨，但見到個個演員都精神奕奕咁投入演出，毫無倦意，仲有好多驚險動作都係自己親身上陣！

劇組喺午飯時段就送咗個驚喜俾古仔，老闆、導演同一眾演員喺遊艇上面同古仔慶祝，一齊切蛋糕同飲紅酒慶祝。但由於在海上太大風，工作人員點唔着生日蠟燭，最終要由古仔親自點火，問到生日願望？古仔話：「身體健康！仲有大家唔好只係捐錢，要用行動去幫助更多有需要的人！」老闆黃百鳴就話希望《L風暴》票房大賣，。