前英格蘭國家隊隊長泰利決定離開車路士但仲未想掛靴，唔少球會都認為呢位36歲仲有作為，其中英冠兩支同樣位於伯明翰市嘅球隊阿士東維拉同伯明翰就搶先一步，據報已經向泰利開出1年合約條件，希望佢肯加盟。

除咗英冠球隊之外，其實亦有唔少英超球會都對泰利有興趣，包括西布朗、史雲斯同般尼茅夫等，只要佢本人唔退休，一定仲有球會落到班。