黎燕珊同劉永離婚17年，珊姐離婚後一直獨力養大一對仔女，舊年接受訪問時，坦言呢段單親路唔易行，為咗佢哋，佢放棄再婚嘅機會，仲話後悔曾經愛過對方！(新聞連結： http://bit.ly/2heH13y )

已經簽約大台嘅珊姐，雖然有一份穩定嘅收入，不過為咗供囝囝去英國升學，將層樓加按變現金，等阿仔實現夢想。喺訪問中有講到前夫劉永未能分擔學費，但有封利是支持囝囝，珊姐話知道對方有佢嘅負擔，自己會體諒。

噚晚劉永喺銅鑼灣出席電影《MRS K》首映， 講到前妻珊姐要加按變錢供阿仔出國讀書，做爸爸只係俾封是，劉永話：「我o依家係綠葉，我都想俾封大利是佢，以我能力，幾十年仲喺度，自己都盡量做。好多大陸人唔知我係邊個，我又唔識做第二啲嘢，剩係識得做演員，我當然希望有能力俾封大利是佢，搵專機送佢去英國，買埋別墅俾佢喇！」

聽到前妻講呢啲說話會唔會唔開心？劉永話：「唔會，自己咪勤奮啲囉！都係爸爸冇用，如果我有錢就會好啲，自己都會努力，如果我有錢，哎吔女朋友都有把，我o依家都係坐緊長者優惠搭地鐵，生活係咁o架喇！」